Calendario

Xullo 2014
L M M X V S D
« Dec    
 123456
78910111213
14151617181920
21222324252627
28293031  

Anotacións recentes

Arquivos

Categorías

Páxinas

Nube de etiquetas

Para entrar e saír

Contador de visitas

Lista de ligazóns (blogroll)

 Encheron Castrelos… pero non sei se convenceron. Nada que ver o concerto do 3-VIII-2012 no auditorio do parque con aqueles dos anos 80 que a moitos resistímonos a esquecer. Refírome, por exemplo, a aquel de 1984, cando Siniestro Total iniciaron o concerto recitando as liñas de autobús, rematando na 8 cun ¡maaanbo!; ou o do ano seguinte, o primeiro no que Os Resentidos e Siniestro Total actuaron xuntos e que remataron cantando “We are the world”.

E, claro, indo con estes antecedentes na cabeza, era difícil saír contento de Castrelos. Coma sempre fixeran nos 80, Os Resentidos foron os primeiros en subir ó escenario. Alí estaban Antón Reixa, Javier Soto, Rubén Losada e Javier Camba; faltaba o gran Alberto Torrado pero había seis músicos máis: guitarra, dous ventos, teclados, baixo e…. voz. Roberto Salgueiro tivo tanto protagonismo como un Reixa non demasiado inspirado nas súas consignas. Faltáballes  aquela forza que tiñan hai 25 anos, quizais porque soen a vello, porque se emitan sen a forza suficiente ou simplemente, porque as circunstacias son distintas e escoitemos doutro xeito.

“Nada, non pasa nada… son nervios, todo nervios!, berraba Reixa no primeiro disco d’Os Resentidos. Nervios parecía que tiña o presidente da SGAE, que, antes de saír ó escenario, paseaba polo exterior do backstage. Nervios quizas tivesen os seus compañeiros.

O son non foi todo o bo que quixésemos… por non dicir que foi moi malo. Se a isto lle sumamos as poucas horas de ensaio -ou, polo menos, insuficientes-. Repasaron o seu repertorio con temas de todos ou case todos os discos e nin sequera “Galicia Caníbal” soou como debería.

Estas apreciacións miñas compartíronas tamén persoas tan distintas e, posiblemente, de gustos tan dispares como Antonio Amblés, cantante de Los Cafres, a escritora Rexina Vega e o xornalista Chus Torres. Da xente coa que comentei o asunto só Alfonso Pato, o “inventor” do Festival de Cans estaba contento: soaba moito mellor que en Ourense. Non se consola o que non quere…

Tampouco a escenografía e o vestiario parecían o máis atinado: as paredes do escenario dunha cor negra na que se mimetizaban os músicos lucindo esa mesma cor e un xogo de luces que Antonio Amblés calificou de “pijo” e máis propio dunha orquestra de medio pelo. Moi lonxe esto tamén das escenografías e os vestiarios  dos primeiros tempos, nalgunhas ocas ións con deseños de Antón patiño, Menchu lamas ou Isaac Pérez Vicente.

Siniestro Total prologaron a súa actuación cunha versión do tema principal da pelicula Os canóns de Navarone. Xa o grupo no escenario, asistimos a outro repaso xeral da súa discografía, moito máis ampla neste caso pero creo que ben resumida. Quedei certamente abraiado con Bailaré sobre tu tumba, coreada polas 20.000 gorxas que había en Castrelos. Abraiado porque, segundo a miña percepción, a maioría do público non nacera ou era moi novo nos primeiros anos do grupo.

Aínda que non fose para tirar cohetes, o son mellorou con eles, que demostraron esa solvencia no escenario que provoca estar en activo todo o ano desde hai 30 anos. Non estivo moi brillante Julián Hernández, que nos tiña acostumados a chispeantes e constantes comentarios e soflamas, polo que o resultado final pareceume correcto pero frío.

Se antes insinuaba que o repertorio d’Os Resentidos quizás cheirase un pouco a vello, o de Siniestro Total ten a virtude de resultar fresco, aínda que se trate das primeiras cancións do grupo. A xente recíbeos mellor que a Reixa e ó seus colegas poruqe ano tras anos foron gañando seguidores de cada xeración. O público d’Os Resentidos fórmano vellos admiradores, curiosos que nalgún momento descubriron a súa música e moito militante, fans do grupo case “por imperativo legal”.

Non saín nada contento deste encontro entre Os Resentidos e Siniestro Total. Como dicía un verso de “Galicia caníbal”, deume a sensación de que isto estivo “moi mal organizado”.

Por certo que tanto Siniestro Total coma Os Resentidos fixeron un bis que, sinceramente, non sei quen llo pediu.

         

 

Foi para min unha gran satisfacción que a xente de Sinsal me convidase a participar activamente no Club Sinsal, o evento que abriu a décima edición do Festival Sinsal. Eu, que daba por morto e esquecido o meu programa de radio A Trincheira, resulta que agora me sinto como un vampiro, como un ser que non pode morrer. Xa o pasado ano, concretamente o 12 de marzo, A Trincheira volveu no marco da exposición Música en branco: memoria dunha cidade, organizada no Verbum tamén polo colectivo Sinsal. E o pasado 14 de abril, o programa foi algo así como o “medio de comunicación oficial” dese gran encontro multidisciplinar.

Durante catro horas, e mentres se desenvolvían as actividades deseñadas para os distintos espazos dese Club Sinsal, tiven o pracer de reencontarme co micrófono para dar conta do que estaba a acontecer no museo MARCO. Por suposto que era imposible falar con toda a xente que participou activamente no evento, pero polo estudio d’A Trincheira instalado na cafetería -convertida así nun espazo máis de actividades- pasou unha chea de xente.

Debo confesar que tiven que documentarme o máis a fondo posible para realizar todas aquelas entrevistas por descoñecer, case en absoluto, o traballo de moitos dos convidados. Non foi un traballo na desagradable porque, así, ampliei os meus coñecementos. O saber non ocupa lugar, disque din.

Con ese traballo de documentación quería tamén, no posible, non caer nos tópicos e na repetición de preguntas nas conversas.  Creo que, máis ou menos, o conseguín e que non fixen un mal papel como locutor. Certo é que o de facer radio e como o de andar en bicicleta, non se esquece, pero sempre hai algo de óxido.

Debo confesar tamén que  o traballo de documentación foi o único esforzo que tiven que facer para preparar esta edición especial d’A Trincheira, xa que os organizadores prepararon a listaxe de entrevistados e o horario de entrevistas. Iso si, tomeime a liberdade de “impoñer” como entrevistadas a Mª Xosé Queizán e a Rexina Vega. A primeira, porque teño o pracer de coñecela e tratala desde mediados dos anos 60, cando eu era un cativo de 7 ou 8 anos; a segunda porque me interesaba coñecer e falar cunha persoa capaz de afirmar que “hai mentalidade postfranquista nos que controlan o gusto literario”. Nos podcast que se colgarán proximamente na web de Sinsal poderes escoitar todas as entrevistas que se fixeron e a música que se programou.

Non considero oportuno comentar aquí a impresión persoal que me causaron os diversos entrevistados -todas moi positivas, quede claro- pero si indicar a satisfacción que manifestaron por ter participado no Club Sinsal: satisfacción polo novidoso da experiencia, pola recepción do público e polo seu traballo.  Notei que eran opinións sinceras e non de compromiso, o que debe terse en conta á hora de avaliar os resultados do evento.

Cito, de seguido, quen foron as “vítimas” do meu “terceiro grao”: os músicos e grupos Ignorantes, Ucranian Bride, Orquesta Metamovida, Recojo Chatarra, Fantasmage, Montgolfier Brothers, Carlos Suárez, Phaedra, Colectivo Oruga e Draen; Mauro Sanín e Nacho Muñoz, que impartiron os obradoiros para nenos de músicas para peto e improvisación musical, respectivamente; as xa citadas escritoras Mª Xosé Queizán e Rexina Vega; Úcar, da revista Dot, publicación que se encargou do comisariado musical do Espazo Súper 8; e Ángel Rueda, director de cine e comisario do Espazo Súper 8. Foron, pois, dezaseis entrevistas coas que penso que se deu unha ampla visión deste Club Sinsal.

 Ás 10 de anoite remataron as actuacións nos distintos espazos -a dos Montgolfier Brothers no Salón Sinsal prolongouse un chisquiño máis- e deuse paso a un “acto de confraternización”: unha cea-buffete -excelente, por certo- na cafetería do MARCO na que participamos algúns dos protagonistas activos da xornada e xente do público que quixo comentar a súa visión do evento. Eu tiven o pracer de compartir mesa e mantel coas escritoras Iolanda Zúñiga e Rexina Vega; Lucía Riveiros, cantante lírica e fundadora do grupo Murmel; a profesora Paz Raña; Begoña Outeiro, tamén profesora e colaboradora no xornal dixital Praza Pública; e Hermes, compañeiro de Rexina e metido no mundo do ensino.

O único que tivo de malo o traballo d’A Trincheira e que non puiden visitar ningún dos espazos nin escoitar ningunha das actuacións. Resarcinme minimamente o domingo co marabilloso concerto de Blues Control & Laraaji & Arji: dúas improvisacións, unha de case 45 minutos moi relaxante, e outra duns 20 na que o público participou berrando.

 

 

 

 

 

Para esta nova edición puntual d’A Trincheira tiven a ousadía de pedirlle ó músico e produtor B.O.U.L.E. que, inspirándose na vella que fixera Alberto Torrado, elaborase unha sintonía máis acorde cos sons da segunda década do século XXI. O resultado paréceme marabilloso e quen queira escoitala tenna a súa disposición aquí:

Sintonía de B.O.U.L.E. para A TRINCHEIRA

Este experimento de levar A Trincheira a esta gran cita multidisciplinar foi para min unha fermosa e satisfactoria experiencia que, se non ocorre ningunha catástrofe, se repetirá o 24 e 25 de xullo no novo capítulo do Festival Sinsal X na Illa de San Simón, a onde fun convidado por Xulio Gómez, un dos ideólogos deste magnífico proxecto.

Finalmente, quero agradecer a colaboración de Javier Pereira e de Alexis Bournon, o primeiro encargado da parte técnica do programa e o segundo responsable de ir achegando ós entrevistados ata o espazo, ademais de exercer de tradutor na conversa coa norueguesa Iggy Lanngard (Phaedra). O meu agradecemento tamén ás autoras da fotos-móbil que inclúe esta anotación: a miña filla Irene e as xornalistas Nieves García Figueira e Teresa Cuíñas.

                                                                                                                

 

 

 

 

 

 

Nas fotos do espazo d’A Trincheira aparecen (de arriba a abaixo) Fantasmage, Ignorantes, Montgolfier Brothers, Mª Xosé Queizán e Mauro Sanín

Volveron Los Cafres, despois de 22 anos, e parece que, en parte, eu teño algo de responsabilidade nese retorno. Ou eso dixeron Antonio Amblés e Billy Domínguez en diversas entrevistas nos medios de comunicación.

 O certo é que cando eu andaba artellando a presentación de Vigo a 80 revolucións por minuto pensei en organizar un acto literario, na Casa del Libro, e un acto musical, en La Iguana Club. Cando lle propuxen a idea a Billy Domínguez, co-propietario dese club, dixo que si inmediatamente. E a proveitei para suxerirlle que el ben podía xuntarse con algún colega para tocar algo. Eu xa falara con Nicolás Pastoriza, que actuou na festa, e con Aerolíneas Federales, que non o puideron facer por compromisos laborais dalgúns dos seus membros e tamén, todo hai que dicilo, porque, moi razonablemente, reservaban a súa volta ós escenarios vigueses cadrando coa aparición do seu novo disco Hasta el final y más allá.

 Por outra parte, falei con Antonio Amblés que, daquela, aínda andaba traballando con Los increibles xoubiñas, facéndolle a mesma proposición que a Billy. E o caso é que, logo de falaren entre eles, decidiron resucitar a Los Cafres por unha noite… que logo sería dúas: a festa de presentación do libro , o 23-XI-2012, e, poucos días despois, o aniversario de La Iguana.

 Los Cafres volveron case coa súa formación orixinal: Antonio Amblés, na voz, Tony “Lápidas” Rosales, na guitarra, Billy Domínguez, na batería, e , como nova fichaxe, Óscar Avendaño, no baixo. Hai certas confusións que cómpre aclarar sobre quen foron Los Cafres orixinais. En principio estaban os tres primeiros e Pablo Ramallo, que tocaba o baixo. Pouco antes de gravar o disco “Lápidas” retirouse porque ía ter un fillo e Pablo pasou a tocar a guitarra. O curioso é que na gravación do disco participaron Antonio, Billy, Pablo e Alberto Torrado, produtor, que gravaría o baixo. Logo ficharían a Yogui para tocar este instrumento nos directo, e por iso aparece no vídeo de “Sólo soy una alimaña” que lles fixo Antón Reixa, e tamén nas fotos de Marco Casuso do mini-Lp SF 13 Tractor Cerebral.

Los Cafres volveron, de verdade, o pasado 25 de febreiro. O concerto tivo como escenario unha ateigada Sala Karma de Pontevedra, e enmarcouse dentro das Fiestas Demoscópicas organizadas pola revista Mondosonoro. Polo que me comentan Los Cafres, en breve actuarán na Coruña…  e en moitos sitios máis

 

 

 

La Opinión de A Coruña

 

Los Cafres, mito de La Movida, en Pontevedra

Tora Tora Tora y Fantasmage completan el cartel.

 24-02-2012  

R.L.
Vuelve uno de los grupos más emblemáticos de la movida viguesa de los ochenta. Los Cafres, que actuaban de forma semiclandestina porque su guitarrista, Pablo Ramallo, estaba en búsqueda y captura por negarse a cumplir el servicio militar, actúan hoy (22.30 horas) en la sala Karma de Pontevedra, como grupo invitado de la Fiesta Demoscópica de Mondosonoro. Tora Tora Tora y Fantasmage completan el cartel.

La reunión surgió tras dos miniconciertos puntuales del grupo en La Iguana, en la presentación del libro “Vigo a 80 revolucións por minuto”, de Emilio Alonso, y en el XXI aniversario de la sala. Ahora darán una serie de conciertos escogidos con una formación similar a la original, encabezada por Antonio Amblés (voz) y Billy “King” Domínguez (ex Killer Barbies, batería), con Tony “Lápidas” Rosales a la guitarra y Óscar Avendaño (Siniestro Total) al bajo.De efímera existencia, Los Cafres solo publicaron un disco, “SF 13 Tractor Cerebral”, de rock con aires de punk y garage. Su único éxito fue “Solo soy una alimaña”. Otra de sus canciones se titulaba “Algún día caeré” y, sí, Ramallo fue finalmente detenido.

 

MONDOSONORO

 

Black Xs Fiestas Demoscópicas Pontevedra

DEMOSCÓPICAS

sábado, 25 de febrero de 2012

 Cuenta la leyenda que los viejos rockeros nunca mueren. Visto lo visto en la fiesta demoscópica, celebrada en la Sala Karma, es lo más probable. La actitud es algo que se lleva en los genes y que te acompaña de por vida. Después de veintitantos años lejos del escenario Los Cafres se reunieron para ofrecer, que sepamos, tan sólo cuatro conciertos. Mondo Sonoro obsequió a los fans con una de esas actuaciones “by the face” y allí se reunieron seguidores de la banda, viejos roqueros y curiosos que habían escuchado alguna vez su “ SF 13 Tractor Cerebral” en mp3.

La noche arrancó con los locales Tora! Tora! Tora! presentando las canciones de su “Alfabeto eléctrico” tejidas entre muros de distorsión e interpretadas con una creciente intensidad que en los minutos finales del sábado, concierto llevó al guitarra y voz del grupo, Sergio Vidal, a arrodillarse delante del pedal de efectos para manipularlo y prolongar instintivamente la señal. Buenas maneras y claras intenciones en un breve set que dio paso a la gran revelación para muchos de los asistentes. Comenzó la actuación de Fantasmage (en la foto) y los más alejados del escenario se encontraban haciendo acopio de bebidas. Hasta ahí todo normal. La música era contundente, el sonido compacto, los ritmos hipnóticos. Aquello había que bailarlo, se vaciaron las barras, se llenó la pista y se desveló que sólo había dos músicos en el escenario. Alguien dijo que uno de ellos tocara en Los Indómitos, otra banda efímera, maravillosa y del sur de Galicia. A cada canción la banda se fue metiendo en el bolsillo al público y dejó claro que con talento no es necesaria la parafernalia. Batería y guitarra eran más que suficientes, la linea de bajo nos la creamos en nuestras cabezas. ¿White Stripes? no, no, no. Más bien son los Cramps de las Rías Baixas. Agarrado a otra copa y ebrio de Black XS se quedó el personal comentando la repetición de las jugadas más interesantes del dúo vigues.

Gentes de toda Galicia que habían venido con una única intención asistir al segundo advenimiento cafre. Ahí subió al escenario Tony “Lapidas” el guitarra de Los Cafres quien, en un tono desenfadado y burlón, se marcó una intro “metalera” para deleite del respetable. Entre aplausos, murmullos y risas entraron los vigueses al completo en el escenario. Veinte años no es nada, decía el tango y ellos lo demostraron. Después de los dos primeros temas todavía se notaba la tibieza en el local pero cuando llegaron “Algún día caeré” de la mano de “Soy una alimaña” el termómetro de la Karma comenzó a subir y ya no dejó de hacerlo hasta el final. Repasaron su disco de cabo a rabo y hasta se permitieron versionear a los Parálisis Permanente. Sobrados de actitud y oficio sobre el escenario terminaron por hacernos olvidar que cualquier tiempo pasado fue mejor. La gente, se lo agradeció en forma de gritos, palmas y algún que otro baile. Normalmente las reuniones de bandas suelen ser una incógnita, sobre todo después de tanto tiempo. En este caso la profesionalidad y entrega de los vigueses superó con creces las expectativas. Tanto fue así que después de los bises algunos querías más y hasta hubo quien comentó que la banda debería de pensarse la posibilidad de sacar un nuevo disco.

 

FOTOGRAFÍAS.- Son de Isa Mariño, que as fixo no concerto de Los Cafres na Sala Karma (25-II-2012)

Comentarios desactivados

Nicolás Pastoriza tocaba a batería en Stéreo, instrumento ó que volveu en máis dunha ocasión. Por exemplo en Los Currichos, como se pode ver nese fragmento de instantánea tomada por Víctor de las Heras e na que Nicolás parece estar en éxtase. Na outra, tamén de Vitín e tomada nun concedrto en Castrelos, parece que se axuda dunha botella de Passport para atopar esa éxtase.

Logo de disolver Stéreo, Pastoriza montou Los Buzos e comezou a desenvolver unha carreira musical na que puido demostrar a súa valía como letrista e compositor de estupendas cancións pop. Ó pé desta anotación pódese escoitar “La canción del verano”, tema que incluiron nunha das dúas maquetas que gravara o grupo e á que fai referencia Pilar Comesaña nesta entrevista  que publicou no Faro de Vigo (24-VII-1983), unha entrevista que permite percibir o espíritu lúdico dos primeiros anos da movida. Daquela, Los Buzos aínda non actuaran, pero xa tiñan unha maqueta. Así eran as cousas neses tempos.

 

Un día sonó en Radio 3 “La canción del verano”. Era una noche cualquiera de un mes cualquiera cuando la voz de Pastoriza pasó por las ondas y llegó a todos. Fue realmente un flash… El grupo se bautizaba como Los Buzos y desde Vigo llegaban con nuevas historias que iban tomando cuerpo.

Quedaban atrás tiempos de Stéreo, y en la mente de Pastoriza había algo preparado. Él andaba buscando gente nueva pero no la encontró, y contactó con gente de otros grupos, porque como él dice “no hay más, es triste pero es así”.

Y todo fue tomando forma, la maqueta se empezó a preparar y los nombres que rodeaban a Pastoriza eran de lo más variado: Pablo Novoa, Javier Soto, Pepo Pankoka, Alberto Torrado, Julián Hernández… una mezcla de Resentidos, Siniestro, Golpes Bajos y aquel Stéreo que quedaba atrás. “Ojalá conocieras a Oscar Wilde”, “Tócala de nuevo, Sam”*, “Ay!, la Polka”, “La Kámara de los Lores” y “La canción del verano” eran los temas que llenaban una maqueta fresquita y divertida.

“Lo que queremos es divertirnos nosotros, si la gente se divierte, mucho mejor. No hay un intento de reflejar rollos cotidianos ni cosas importantes, vamos hacia algo mucho más rivial”. Tan trivial o tan importante como Oscar Wilde, la polka o la Kámara de los Lores. Los Buzos no han actuado nunca y son un grupo “sin historia”, “sin arte ni parte”.

“Los Buzos” -dice Pastoriza- es única y exclusivamente el rupo que yo me tenía que montar. Llamé a gente y depués de buscar mucho, haciendo y deshaciendo, encontré la formación ideal. Y quedó así. Nicolás Pastoriza (voz y guitarra), Roberto Ben (batería ), Javier Soto (bajo) y Alberto Torrado (artista invitado).

De Stéreo a Los Buzos el salto ha sido grande, sólo quedan Nicolás y Roberto, con ganas de divertirse y no llegar a ser nunca profesionales. “Seguiremos siendo toda la vida amateurs. Es mejor ser amateur por siempre que profesional por dos años. Aunque realmente son unos valientes los que se lanzan a la profesionalidad, nosotros somos unos cobardes”.

Hablamos de la música y Pastoriza es tajante: “Pop, lo que hacemos es música pop. Ese pop del principio, con cuatro instrumentistas y sin sofisticaciones. Simplemente pop. Hacemos música muy sencilla y sin complicaciones. Creo que son más positivos cuatro acordes bien metidos que cinco mil que no queden en nada”.

Los textos tiene frescura e ironía. vienen de esas cuatro palabras que un día se le pasan por la mente a Nicolás. para él lo más importante es “darle a todo la misma importancia y, al mismo tiempo, quitrle la importancia a todo”.

Así Oscar Wilde, Dorian Gray, los Mecano, Bibiano y hasta Tarzán se hacen personajes de historias divertidas que Los Buzos nos cuentan sin mayores problemas: “Las niñas sueñan con su mirada / Los niños desean su llamada / sus padres les ruegan / que en eso no piensen / pero ha vuelto Trazán a Orense…”

Mientras esperan un “debut” espectacular se deleitan escuchando música de todo tipo: The Beatles, The Jam, The Cure, Dirty Looks… y rollos nacionales: Los Elegantes, La Mode… Su tiempo libre también lo dedican a la cocina, haciendo ese arroz con orégano que Nicolás borda; o a deporte en esas primeras clases de culturismo a las que Roberto ha empezado a asistir, y además bailan al ritmo de muchas músicas: jotas, disco y, sobre todo, pop.

 

*NOTA: A canción “Tócala otra vez, Sam” titúlase “Blues del Edén” na copia da maqueta de Los Buzos que eu posúo.

 

LOS BUZOS: La canción del verano

 

 
         Vigo a 80 revolucións por minuto (Unha crónica da movida)

 

Vigo a 80 revolucións por minuto

 

Emilio Alonso 

 

Vigo a 80 revolucións por minuto é unha crónica da movida viguesa da década de 1980 realizada por Emilio Alonso, colaborador activo deses acontecementos que supuxeron unha renovación conceptual das artes nunha época convulsa en Vigo, acabada a sociedade de saír dunha ditadura de corenta anos, con mobilizacións continuas de traballadores contra a reconversión do sector naval, con protestas estudantís en defensa dos seus dereitos, coa proliferación das drogas e as súas consecuencias…

O 27 de decembro de 1981, no cine do Colexio Salesianos, celebrouse o que se pode considerar “acto fundacional” da movida viguesa: segundo o autor o primeiro concerto de Siniestro Total (con Julián Hernández, Miguel Costas, Alberto Torrado e Germán Coppini) prendeu a chama deste fenómeno que deixou unha forte pegada no desenvolvemento cultural de sucesivas xeracións.

Nesta obra, cunha extensa e variada documentación gráfica e xornalística, ademais de falar da música, parte esencial da movida, concédeselle a relevancia que merecen a outras disciplinas como a poesía, a pintura, a moda e a estética, o teatro, a fotografía, o cine… E tamén ao xornalismo radiofónico e ás revistas ou fanzines que difundían todo o que abrollaba na cidade atlántica, que se chegou a converter por uns anos na referencia cultural da mocidade de toda a Península.

 

Comentarios desactivados

A historia decidiu que o primeiro concerto de Siniestro Total no cine Salesianos (27-XII-1981) sexa considerado o “acto fundacional” da movida de vigo. Pero hai algunhas voces que non concordan con esta opinión, fundamentalmente porque aqueles días do Nadal Rock non foron protagonizados exclusivamente por grupos vigueses.

Estas voces opina que se debería considerar como acto fundacional da movida o concerto celebrado no Auditorio do Concello o 12 de xuño de 1982, e que tivo, si, cartel exclusivamente vigués: Stéreo, Bar, Siniestro Total e Trenvigo. E non estou eu en desacordo con estas voces, aínda que no meu libro sinale aquel concerto dos Salesianos como acto fundacional. Ben mirado, neste evento do Concello participaron un gran número de músicos que, logo, serían parte fundamental da historia musical da cidade.

Fago un pequeno esquema para que se poida ver a importancia da maioría daqueles músicos e os seus traballos posteriores a este concerto:

En Stéreo: Nicolás Pastoriza (Los Buzos, Bromea o Qué?, Los Currichos); Luís García (Golpes Bajos, Semen Up)

En Bar: Silvino Díaz (Batallón Disciplinario, Aerolíneas Federales, El Acto, Entreactos, Los Gritos); Javier Mera (Control Remoto); Javier Martínez [tamén en Trenvigo] (El Acto, Semen Up); Geles Feijoo (moi brevemente en Aerolíneas Federales)

Curiosa foto de Pablo Novoa e Teo Cardalda, xa en Golpes Bajos

En Siniestro Total: Germán Coppini (Golpes Bajos); Miguel Costas (Aerolíneas Federales, Sonny Boy & the Williamsons, Los 7 Pelmas); Julián Hernández (Sonny Boy & the Williamsons, Los 7 Pelmas, Freddy Krueger y los Masters del Universo, Def Con Dos); Alberto Torrado (Os Resentidos).

En Trenvigo: Pablo Novoa (Golpes Bajos, Los Currichos); Teo Cardalda (Golpes Bajos, Entreactos, Cómplices); Bibiano Morón (axitador e promotor de concertos)

Pilar Comesaña publicou unha crónica daquel concerto en Faro de Vigo (20-VI-1982):

El Auditorio estaba a tope. La gente entraba y salía… se respiraba buen ambiente y mucho rock…

Bibiano comentaba: “¿De dónde habrá salido tanta gente?”, los ánimos estaban muy altos. Stéreo sonaba bien, pero lejos para todos los que estábamos en la puerta.

Entre cabezas brillantes pude ver a Pastoriza con su fuerza en la batería, poco más.

Bar salió al escenario, todo eran ganas de hacer rock. Geles se movía y sonaban cosas como “Músicos de feria”, “Día nublado”, “Chica”, “Muchacha urbana”… sonaban bien. Javier Martínez hacía maravillas con la batería y Silvino rasgaba locamente la guitarra.

“Recogiste sensaciones / recorriste calles grises / frías y grises ciudades / fueron tu casa tantas veces”. Geles se mueve y parece que va a romperse, pero su voz sigue segura, Javier Mera la acompaña.

Ritmo y muchas ganas de hacer rock, Bar sonó genial y la gente sin duda salió tarareando algunas de sus canciones.

Le llegó el turno a Siniestro Total. Siniestra imagen y mucha ironía, textos descarnados y fuerte, potencia de sonido.

Coco [Germán Coppini] hacía de su voz un grito: “Quiero ser Emilio Cao” sonaba con brutalidad… Julián golpeaba la batería y el bajo y la guitarra se repartína bien el trabajo. Chispa de humor macabro: “Las tetas de mi novia”, “Nocilla, qué merendilla”, “O Conselleiro”, temas duros y bronqueros para un personal apalancado en las butacas, con alguna excepción muy aislada.

Trenvigo y el final. Un final apretado con Bibiano en forma, revisando el sonido, manejando su aparato mágico. “No me dá la gana” y un Cardalda que hace lo que quiere con su guitarra, un Pablo Novoa que puede pasar desapercibido pero que sabe muy bien por dónde va y un batería como Javier que quizá estuviese agotado por su actuación con Bar, pero desde luego hizo cosas maravillosas.

“Estamos chegando ó sol” sonó a calma y a fuerza, sonó a magia. Dos temas más “El buen comunista va por la autopista” y “O ás do flipe”.

Fue corto el tiempo de Trenvigo, pero no había más, eran las diez de la noche y el Ayuntamiento había puesto esa hora tope. Aquello se acababa, habían estado allí cuatro grupos de rock de Vigo, con todas las ganas del mundo por hacer rock, creo que todos los que lo escuchamos lo vivimos, aunque la gente quizá estuviese un poco parada y el ambiente no acompañase demasiado, pero lo importante es que ocurrió.

Esperemos que pronto vuelva a moverse la gente del rock, algo que sin duda puede llegar a hacerse realidad.

 

 

 

Silvino Díaz e Miguel Costas, con Aerolíneas Federales, gravando nos estudios Fusión

 

de Emilio Alonso

18 novembro 2011

Crónica,Presentacións

O mércores, 23 de novembro, ás 19:00 horas, terá lugar, na Casa do Libro, rúa Velázquez Moreno, 27 de Vigo, a presentación do libro Vigo a 80 revolucións por minuto de Emilio Alonso, no acto participarán, Xulio Gómez (Colectivo Sinsal), Marià Arbonés (Director de www.reusdigital.cat), Manuel Bragado e Emilio Alonso.

A partir das 21:00 horas, seguirá a festa con música en directo de novos e vellos músicos en LA IGUANA CLUB, rúa Churruca, 14

Vigo a 80 revolucións por minuto é unha crónica da movida viguesa da década de 1980 realizada por Emilio Alonso, colaborador activo deses acontecementos que supuxeron unha renovación conceptual das artes nunha época convulsa en Vigo, acabada a sociedade de saír dunha ditadura de corenta anos, con mobilizacións continuas de traballadores contra a reconversión do sector naval, con protestas estudantís en defensa dos seus dereitos, coa proliferación das drogas e as súas consecuencias…

O 27 de decembro de 1981, no cine do Colexio Salesianos, celebrouse o que se pode considerar “acto fundacional” da movida viguesa: o primeiro concerto de Siniestro Total (con Julián Hernández, Miguel Costas, Alberto Torrado e Germán Coppini) prendeu a chama deste fenómeno que deixou unha forte pegada no desenvolvemento cultural de sucesivas xeracións.

Nesta obra, cunha extensa e variada documentación gráfica e xornalística, ademais de falar da música, parte esencial da movida, concédeselle a relevancia que merecen a outras disciplinas como a poesía, a pintura, a moda e a estética, o teatro, a fotografía, o cine… E tamén ao xornalismo radiofónico e aos fanzines que difundían todo o que abrollaba na cidade atlántica que se chegou a converter por uns anos na referencia cultural da mocidade de toda a Península.

Comentarios desactivados
Newer Posts »